ನಿರುದ್ಯೋಗದ ಸವಾಲುಗಳು ಕೇವಲ ಶಿಕ್ಷಣ ಮಟ್ಟಕ್ಕಷ್ಟೇ ಸೀಮಿತವಾಗಿಲ್ಲ

ನೀತಿ ಆಯೋಗದ ವರದಿಯೊಂದನ್ನು ಉಲ್ಲೇಖಿಸಿರುವ ದಿ ಇಂಡಿಯನ್ ಎಕ್ಸ್‌ಪ್ರೆಸ್, ಭಾರತದಲ್ಲಿ 15 ರಿಂದ 29 ವರ್ಷ ವಯಸ್ಸಿನ 8.7 ಕೋಟಿಗೂ ಹೆಚ್ಚು ಯುವಕರು ಸದ್ಯಕ್ಕೆ ಉದ್ಯೋಗದಲ್ಲೂ ಇಲ್ಲ, ಶಿಕ್ಷಣವನ್ನೂ ಪಡೆಯುತ್ತಿಲ್ಲ ಮತ್ತು ಯಾವುದೇ ಔಪಚಾರಿಕ ತರಬೇತಿ ಕಾರ್ಯಕ್ರಮಗಳಲ್ಲೂ ಭಾಗವಹಿಸುತ್ತಿಲ್ಲ ಎಂದು ತಿಳಿಸಿದೆ. 2021ರಲ್ಲಿ ನಡೆಸಿದ ರಾಷ್ಟ್ರೀಯ ಮಾದರಿ ಸಮೀಕ್ಷೆಯ (National Sample Survey) 78ನೇ ಸುತ್ತಿನಿಂದ ಈ ಅಂಕಿಅಂಶವನ್ನು ಪಡೆದುಕೊಳ್ಳಲಾಗಿದೆ. ಇದು ಗಂಭೀರ ಕಳಳವಳವನ್ನು ಹುಟ್ಟುಹಾಕಿದ್ದು, ಭಾರತದ ಯುವಜನರಲ್ಲಿ ನಿರುದ್ಯೋಗ ಮುಂದುವರಿಯಲು ಶೈಕ್ಷಣಿಕ ಕೊರತೆಗಳಾಚೆಗಿನ ವ್ಯವಸ್ಥಿತ ಅಡೆತಡೆಗಳೇ ಕಾರಣ ಎಂಬುದನ್ನು ಇದು ಎತ್ತಿ ತೋರಿಸುತ್ತದೆ. 'ರೀ ಇಮ್ಯಾಜಿನಿಂಗ್ ಸ್ಕಿಲ್ಲಿಂಗ್ ಫಾರ್ ವಿಕಸಿತ Bharat@2047' ಎಂಬ ಶೀರ್ಷಿಕೆಯ ಈ ವರದಿಯು, ಆರ್ಥಿಕ ಮುಗ್ಗಟ್ಟುಗಳು ಹಾಗೂ ಶೈಕ್ಷಣಿಕ ತರಬೇತಿ ಮತ್ತು ಉದ್ಯಮಗಳ ಬೇಡಿಕೆಗಳ ನಡುವಿನ ಹೊಂದಾಣಿಕೆಯ ಕೊರತೆಯೇ ಯುವಕರನ್ನು ಆರ್ಥಿಕವಾಗಿ ನಿಷ್ಕ್ರಿಯರನ್ನಾಗಿ ಮಾಡುತ್ತಿರುವ ಪ್ರಮುಖ ಅಂಶಗಳೆಂದು ಒತ್ತಿಹೇಳಿದೆ.

ಈ ವಿಶ್ಲೇಷಣೆಯು "NEET ಯುವಕರು" (ಶಿಕ್ಷಣ, ಉದ್ಯೋಗ ಅಥವಾ ತರಬೇತಿಯಲ್ಲಿ ಇಲ್ಲದವರು) ಗುಂಪನ್ನು ಒಂದು ಪ್ರತ್ಯೇಕ ಜನಸಂಖ್ಯಾ ವಿಭಾಗವಾಗಿ ಗುರುತಿಸಿದ್ದು, ಅವರು ಹಲವು ಸವಾಲುಗಳನ್ನು ಎದುರಿಸುತ್ತಿದ್ದಾರೆ ಎಂದು ತಿಳಿಸಿದೆ. ಈ ಗುಂಪಿನಲ್ಲಿರುವ ಅನೇಕರು ಈಗಾಗಲೇ ಹಿಂದಿನ ಶಿಕ್ಷಣಕ್ಕಾಗಿ ಹಣ ಖರ್ಚು ಮಾಡಿದ್ದರೂ, ಹೆಚ್ಚಿನ ಕೌಶಲ್ಯಗಳನ್ನು ಪಡೆದುಕೊಳ್ಳಲು ಅಥವಾ ಹೆಚ್ಚು ಸಂಬಳ ಸಿಗುವ ಅವಕಾಶಗಳಿಗಾಗಿ ಕಾಯಲು ಬೇಕಾದ ಆರ್ಥಿಕ ಸ್ವಾತಂತ್ರ್ಯವನ್ನು ಹೊಂದಿಲ್ಲ ಎಂದು ವರದಿ ಗಮನಸೆಳೆದಿದೆ. "NEET ಯುವಕರು ಆದಾಯವಿಲ್ಲದಿರುವುದು ಮತ್ತು ಹಿಂದಿನ ಶಿಕ್ಷಣಕ್ಕಾಗಿ ಈಗಾಗಲೇ ಮಾಡಿFರುವ ವೆಚ್ಚದ ಹೊರೆಯಿಂದ ಬಂಧಿಸಲ್ಪಟ್ಟಿದ್ದಾರೆ" ಎಂದು ಅದು ಹೇಳುತ್ತದೆ. ಕಡಿಮೆ ಆದಾಯವಿರುವ ಕುಟುಂಬಗಳಿಗೆ, ಕಾಲೇಜು ಶುಲ್ಕ ಮತ್ತು ಖಾಸಗಿ ಟ್ಯೂಷನ್‌ಗಳೆರಡರ ಬาระು ವೃತ್ತಿಪರ ತರಬೇತಿಯಲ್ಲಿ ಹೂಡಿಕೆ ಮಾಡಲು ಅವಕಾಶ ನೀಡುವುದಿಲ್ಲ. ಇದರಿಂದಾಗಿ ಪದವೀಧರರು ತಮ್ಮ ಅರ್ಹತೆಗೆ ತಕ್ಕ ವೃತ್ತಿಯ ಬದಲು ತಕ್ಷಣದ ಆದಾಯಕ್ಕಾಗಿ ಕಡಿಮೆ ವೇತನದ ಉದ್ಯೋಗಗಳನ್ನು ಹೋದಕೊಳ್ಳುವಂತಾಗುತ್ತದೆ.

ಶಿಕ್ಷಣ ಮತ್ತು ಉದ್ಯೋಗದ ನಡುವೆ ದೊಡ್ಡ ಮಟ್ಟದ ಅಂತರವಿರುವುದನ್ನು ದತ್ತಾಂಶಗಳು ಬಹಿರಂಗಪಡಿಸಿವೆ: ಭಾರತದಲ್ಲಿ ಕೇವಲ 8.25% ರಷ್ಟು ಪದವೀಧರರು ಮಾತ್ರ ತಮ್ಮ ಶೈಕ್ಷಣಿಕ ತರಬೇತಿಗೆ ತಕ್ಕ ಉದ್ಯೋಗಗಳನ್ನು ಪಡೆದುಕೊಳ್ಳುತ್ತಿದ್ದಾರೆ. ಔಪಚಾರಿಕ ಶಿಕ್ಷಣದ ಸಮಯದಲ್ಲಿ ಪ್ರಾಯೋಗಿಕ ಮತ್ತು ಉದ್ಯಮ-ಆಧಾರಿತ ಕೌಶಲ್ಯಗಳ ಪರಿಚಯ ಕಡಿಮೆ ಇರುವುದೇ ಈ ಅಂತರಕ್ಕೆ ಕಾರಣ ಎಂದು ವರದಿ ತಿಳಿಸಿದೆ. ಕೆಲವು ಪದವೀಧರರು ಕುಟುಂಬವನ್ನು ನಿರ್ವಹಿಸಲು ಅಸ್ಥಿರವಾದ ಅಥವಾ ತಮ್ಮ ವಿದ್ಯಾರ್ಹತೆಗೆ ಸರಿಹೊಂದದ ಉದ್ಯೋಗಗಳನ್ನು ಒಪ್ಪಿಕೊಂಡರೆ, ಇನ್ನು ಕೆಲವರು ಶೈಕ್ಷಣಿಕ ಜೀವನದಿಂದ ವೃತ್ತಿಪರ ಜೀವನಕ್ಕೆ ಪರಿವರ್ತನೆಗೊಳ್ಳಲು ಪರದಾಡುತ್ತಿದ್ದು, ಇದು NEET ಜನಸಂಖ್ಯೆಯನ್ನು ಮತ್ತಷ್ಟು ಹೆಚ್ಚಿಸುತ್ತಿದೆ. ಈ ಸವಾಲುಗಳನ್ನು ಎದುರಿಸಲು, ಸ್ಥಳೀಯ ಆರ್ಥಿಕ ಅಗತ್ಯಗಳು ಮತ್ತು ಉದಯೋನ್ಮುಖ ಕ್ಷೇತ್ರಗಳಿಗೆ ತಕ್ಕಂತೆ ಸಬ್ಸಿಡಿ ಯುಕ್ತ ತರಬೇತಿ ಕಾರ್ಯಕ್ರಮಗಳನ್ನು ಹಾಗೂ "ಕಲಿಯುತ್ತಲೇ ಗಳಿಸುವ" (learning while earning) ನೀತಿಗಳನ್ನು ರೂಪಿಸುವಂತೆ ನೀತಿ ಆಯೋಗ ಶಿಫಾರಸು ಮಾಡಿದೆ.

ಈ ಸಮಸ್ಯೆಯು ವಿಶಾಲವಾದ ಆರ್ಥಿಕ ಒತ್ತಡಗಳೊಂದಿಗೆ ಬೆಸೆದುಕೊಂಡಿದೆ. ಭಾರತದ ಯುವ ಜನಸಂಖ್ಯೆಯು (ಉದ್ಯೋಗಪಡೆಯುವವರಲ್ಲಿ 26%) ಉದ್ಯೋಗ ಸೃಷ್ಟಿಗಿಂತ ವೇಗವಾಗಿ ಬೆಳೆಯುತ್ತಿದ್ದು, ಇದು ಸಿಮಿತ ಅವಕಾಶಗಳಿಗಾಗಿ ಸ್ಪರ್ಧೆಯನ್ನು ತೀವ್ರಗೊಳಿಸುತ್ತಿದೆ. ವರದಿಯು ಲಿಂಗ ತಾರತಮ್ಯವನ್ನೂ ಎತ್ತಿ ತೋರಿಸಿದ್ದು, ಶಿಕ್ಷಣ ಮತ್ತು ಉದ್ಯೋಗದಲ್ಲಿ ಪಾಲ್ಗೊಳ್ಳಲು ಮಹಿಳೆಯರು ಹೆಚ್ಚುವರಿ ಸಾಮಾಜಿಕ ಹಾಗೂ ಆರ್ಥಿಕ ಅಡೆತಡೆಗಳನ್ನು ಎದುರಿಸುತ್ತಿದ್ದಾರೆ ಎಂದು ತಿಳಿಸಿದೆ. ಅಂಚಿನಲ್ಲಿರುವ ಸಮುದಾಯಗಳಿಗೆ ನಿರ್ದಿಷ್ಟ ಆರ್ಥಿಕ ಬೆಂಬಲ ನೀಡುವಂತೆ ಮತ್ತು ಬದಲಾಗುತ್ತಿರುವ ಉದ್ಯಮಗಳ ಬೇಡಿಕೆಗಳಿಗೆ ತಕ್ಕಂತೆ ವೃತ್ತಿಜೀವನದ ಮಧ್ಯದಲ್ಲಿ ಕೌಶಲ್ಯವನ್ನು ಮರುಪಡೆದುಕೊಳ್ಳುವ (mid-career reskilling) ಕಾರ್ಯಕ್ರಮಗಳನ್ನು ಜಾರಿಗೆ ತರುವಂತೆ ನೀತಿ ಆಯೋಗ ಶಿಫಾರಸು ಮಾಡಿದೆ.

ಈ ವರದಿಯು ತುರ್ತಾಗಿ ನೀತಿ ನಿರೂಪಣಾ ಕ್ರಮಗಳನ್ನು ಕೈಗೊಳ್ಳುವಂತೆ ಕರೆ ನೀ1ದೆಯಾದರೂ, ಅವುಗಳ ಅನುಷ್ಠಾನದ ಸವಾಲುಗಳು ಇನ್ನೂ ಸ್ಪಷ್ಟವಾಗಿಲ್ಲ. ಸಬ್ಸಿಡಿ ಯುಕ್ತ ತರಬೇತಿಗಾಗಿ ಧನಸಹಾಯ ವ್ಯವಸ್ಥೆಗಳು, ಸರ್ಕಾರಿ ಮತ್ತು ಖಾಸಗಿ ಕ್ಷೇತ್ರಗಳ ಪಾಲುದಾರರ ನಡುವಿನ ಸಮನ್ವಯ ಹಾಗೂ ಸ್ಥಳೀಯ ಮಟ್ಟದ ಕೌಶಲ್ಯ ಕಾರ್ಯಕ್ರಮಗಳ ವಿಸ್ತರಣೆಯ ಸಾಮರ್ಥ್ಯದಂತಹ ಪ್ರಶ್ನೆಗಳಿಗೆ ಇನ್ನೂ ಉತ್ತರ ಸಿಕ್ಕಿಲ್ಲ. ಭಾರತವು ತನ್ನ ಜನಸಂಖ್ಯಾ ಲಾಭಾಂಶವನ್ನು ಬಳಸಿಕೊಳ್ಳುತ್ತಿರುವ ಈ ಸಂದರ್ಭದಲ್ಲಿ, ಯುವಜನರ ಆಕಾಂಕ್ಷೆಗಳು ಮತ್ತು ಅವಕಾಶಗಳ ನಡುವಿನ ಅಂತರವು ನೀತಿ ಮತ್ತು ಯೋಜನೆಗೆ ಎದುರಾಗಿರುವ ಪ್ರಮುಖ ಪರೀಕ್ಷೆಯಾಗಿ ಮುಂದುವರಿದಿದೆ.